Baráttan varðandi afleiðingar brunans er nú rétt bara að byrja.....

Kæru vinir, nú hefur mikið vatn runnið til sjávar frá því ég kom að tölvunni minni síðast þar sem strákurinn minn hefur  haft hana að láni frá því að hans brann en bóndinn er að reyna að tjasla saman gamalli tölvu sem vonandi kemur til með að virka og vonandi sem allra fyrst.

 Nú virðist sonurinn vera að ná sér líkamlega séð þó að vísu með formerkjum þar sem afleiðingar reykeitrunar geta víst verið að koma fram löngu eftir á. Hvað varðar andlegu heilsuna er ennnþá á brattann að sækja og svo sem engin leið auðveld eða góð í  sjálfu sér, sérstaklega ekki þegar viðkomandi er ekki móttækilegur fyrir henni.

 Kistulagningin var öllum afar erfið, kistan var lokuð sem betur fer (tel ég) þar sem Kristinn var illa brunninn og slík hinsta minning  yrði engum holl.  Jarðaförin var einstaklega falleg vinirnir báru kistuna, Friðrik Ómar söng óaðfinnanlega nokkrar fallegustu perlur okkar tíma, vinirnir báru hann hinsta spölinn og stóðu sig vel þrátt fyrir allt og við vorum(erum)afar þakklát foreldrum Kristins þeim Ara og Línu hvað þau lögðu mikið upp úr að gera vinina virka í öllum undirbúningi og athöfnum, en það var strákunum mjög mikils virði og þeim náttúrlega líka.

Það eru margbreytilegar tilfinningar sem bærast með manni við svona aðstæður. Maður er þakklátur, reiður, undrandi, hryggur, sár, máttvana, ringlaður auk þess að finna fyrir samviskubiti yfir því að hafa verið foreldrarnir sem fengu barnið sitt heim en ekki hinir sem misstu það og einhvern veginn finnst mér hálf óþægilegt þegar fólk segir við okkur mikið rosalega voruð þið heppin því að í huga mínum hefur það ekkert með heppni að gera að heimta barnið sitt úr helju. 

En nú tekur við glíma við lögfræðinga, leigusala, tryggingar og eftirlitsstofnanir sem verður ekki auðveld og raunar erum við ekki ennþá búin að finna lögmann sem er tilbúinn í slaginn með okkur og í rauninni vitum við ekki hvort við höfum eitthvað mál sem hægt er að reka en ég er samt vongóð og vil allt til vinna að vona nokkuð endurtaki sig ekki .

En ég læt staðar numið í dag en mun leyfa ykkur að fylgjast með (eða þau ykkur sem vilja) þessu máli hér á blogginu mínu.

Guð gefi ykkur öllum góðan  og gæfuríkan dag

Athugasemdir

[Ásthildur Cesil Þórðardóttir, 26.1.2010 kl. 08:47]

Þetta er afskaplega sorglegt Hulda mín.  Megi allir góðir vættir vaka með ykkur og vernda.   Mikið skil ég að þetta sé ykkur mjög erfitt.  Það er samt eitt sem ég trúi og það er að það fer enginn fyrr en hans tími kemur.  Það hefur svo marg sýnt sig gegnum tíðina.  Ekki síst í stórslysum eins og á Flateyri og Súðavík, þar sem fólki virðist hafa verið rótað til og frá.  sumir flýðu hús sem stóðu í hús sem fóru.  Það eru margar uppákomurnar um svona lagað.  Þó það sefi ekki sorg og sársauka, þá tel ég að þegar svona gerist hafi tíminn einfaldlega verið kominn.  Og þessi drengur kallaður til annara starfa á öðrum vettvangi. 

Ég vil svo bara óska ykkur alls góðs og hugur minn mun vera með þér í þessu stríði.  Vonandi fáið þið uppreisn æru og réttlætið fram.  Innilega knús á ykkur öll. 

[Þórarinn Þ Gíslason (IP-tala skráð) 26.1.2010 kl. 09:14]

Sæl, Hulda.

[Haraldur Haraldsson, 26.1.2010 kl. 10:03]

Hugur minn dvelur hjá ykkur og aðstendum þessa er lést/Kveðja Halli gamli

[Ingvi Rúnar Einarsson, 26.1.2010 kl. 11:38]

Hulda.Það alltaf erfitt að tjá sig um hvers vegna börn og ungmenni eru kölluð,en gamalt fólk,sem er orðið þreytt og þráir ekkert frekar,en að fá að fara verður að bíða eftir köllunni.

En slys,sem má rekja til vanrækslu eða ásetning um að spara sér nokkrar krónur,og þverskallast við að gæta öryggis manna,í þessu tilfelli leiguliða,er ekki afsökunnar verð.Einnig verður að fara fram á það,að fólk,sem hefur þann starfa á vegum hins opinbera,að starfa að öryggismálum borgara,sé starfi sínu vaxið.

En því miður verður þetta slys ekki afturkallað,en það verður að koma í veg að slíkt endurtaki sig ekki.Gangi þér vel í baráttu þinni,fyrir réttlætinu.

[Ásdís Sigurðardóttir, 26.1.2010 kl. 12:00]

Elsku Hulda mín, þetta er erfitt og skelfilegt til þess að vista að fólk búi í svona húsnæði. Guð blessi unga manninn sem farinn er og ég vona svo innilega að sonur þinn nái sér með tíð og tíma, kærleikskveðja til hans, ég mun biðja fyrir honum.  Hafðu það sem best elsku vinkona.

[Ingvi Rúnar Einarsson, 27.1.2010 kl. 12:21]

Sæl aftur Hulda.

Í dag kom grein,sem skrifuð er af Andra Karli([e-mail]).í Morgunblaðið .

Þar kemur greinilega,að eftirlitskylda er engin.Jón Viðar Matthíasson slökkviliðsstjóri segir að það sé ekki ábyrgð eldvarnareftirlita sveitarfélaga,að skoða heimili.

Björn Karlsson brunamálastjóri segir að ákvæði friðhelgi einkalífs,komi í veg fyrir eftirlits.

Þeir koma báðir inn á það,að það sé verið væri að kanna vinnureglur í öðrum ríkjum.Þar,sem verið er að skoða,að ef menn ætla sér að leiga húsnæði,yrði það ekki leift nema að tilskyldu,skoðunnar skylda yrði af því leigða,likt og er gert á hótelum.

Ég teldi að það ætti að vera skylda,að brunaeftirlit skoðaði öll húsnæði,er eigandaskipti verða.Einnig ef leigt er.Hér á ekki að vera skoða,hvað aðrar þjóðir eru að gera,við erum vonandi vit á því,að geta að geta tekið áhvörðun um þetta sjálf.

[Ómar Ingi, 28.1.2010 kl. 00:04]

Kærleikskveðja á þig og þína

[Hulda Haraldsdóttir, 28.1.2010 kl. 15:07]

Kæru vinir,  ég er bæði hrærð og þakklát fyrir allar bænirnar,stuðninginn og hlýhuginn. Það er mér afar mikils virði og hjálpar ótrúlega mikið og stappar í mann stálinu  

[Hulda Haraldsdóttir, 28.1.2010 kl. 15:52]

Mín kæra Ásthildur ég er þér alveg hjartanlega sammála varðandi líftíma okkar hér í jarðvistinni og efast ekki um að allt sé fyrirfram ákveðið í þeim efnum en oft á maður samt erfitt með að reyna að finna einhverja glóru í aðstæðum sem þessum, en ég veit líka og vona að þetta muni  í.þ.m. leiða til þess að vekja upp umræðuna og verða til þess að svona harmleikur endurtaki sig ekki. Elsku vina þakka þér

[Hulda Haraldsdóttir, 28.1.2010 kl. 15:53]

Kæri Þórarinn, takk kærlega 

[Hulda Haraldsdóttir, 28.1.2010 kl. 15:55]

Minn ævinlega kæri Halli, hafðu allar mínar þakkir

[Hulda Haraldsdóttir, 28.1.2010 kl. 18:07]

Kæri Ingvi, já eins og við Ásthildur sögðum hér að ofan þá er oft erfitt að finna tilgang og glóru í spili lífs og dauða, en eins og þú svo réttilega bendir á þá eru öll svör bæði frá eldvarnareftirliti, brunavörn, slökkviliðsstjóra og tryggingafélugunum öll á þann veg að fyrra sig allri ábyrgð og eins er alveg með ólíkindum að við skulum alltaf þurfa að elta rassgatið á öðrum þjóðum eins og þú réttilega bentir á og þá sérstaklega hin norðurlöndin og oftar en ekki höfum við íslendingar tekið upp aðferðarfræði sem sem er gengin sér til þurrðar í heimalandinu. Auðvitað eigum við að geta hlutina upp á okkar eindæmi.

Þakka þér ævinlega gott og þarft innlegg

[Ásthildur Cesil Þórðardóttir, 28.1.2010 kl. 22:02]

Einmitt Hulda mín öll umræða er af hinu góða og gott að vekja athygli á svona málum. það hreyfir við þeim aðiljum sem eiga að sjá um þessi mál.  Gangi ykkur vel.

[Hulda Haraldsdóttir, 29.1.2010 kl. 03:31]

Ásdís mín kær, þakka þér innilega allar bænirnar og hlýhuginn kæra vinkona

[Hulda Haraldsdóttir, 29.1.2010 kl. 03:33]

Og þakka þér enn Ásthildur mín kær 

[Hulda Haraldsdóttir, 29.1.2010 kl. 04:40]

Kæri 'Omar bestu þakkir