Þjóðinni fórnað á altari drottnandi evrópuhákarla til galeiðuþrældóms næstu kynslóðirnar

 Alveg finnst mér með eindæmum að núna þegar þjóðin stendur frammi fyrir  sínu viðamestu hörmungum sem yfir hana hafa dunið frá stofnun lýðveldisins og óteljandi spurningar brenna á þjóðinni sem aldrei fyrr og aldrei hefur verið meiri þörf á ábyrgri og dugandi fréttamennsku að þá skuli fréttaþáttur eins og kompás settur í laaaangt frí ásamt þeim fréttamönnum sem þekktir eru fyrir að spyrja óþægilegra spurninga og vera fastir fyrir.

Fréttamennskan í dag er grútmáttlaus og lituð af bæði óheyrilegum áróðri, kúgun og hótunum af hálfu sitjandi ríkisstjórnar, þvílík valdníðsla sem er í gangi og sömu sögu er að segja úr sölum alþingis þar viðhafast hótanir og kúgun.

Er nú ekki kominn tími til að við sem þjóð rísum upp stöðvum þetta fólk áður en því tekst að ofurselja okkur sem galeiðuþræla næstu kynslóðirnar til fórnar á altari drottnandi Evrópuhákarla sem vilja komast yfir auðlindir okkar en er skítsama þótt við þurfum að éta hrossatað. Nei takk   Ég er búin að fá nóg, það er bara tvennt í stöðunni hjá mér annaðhvort  að fella icesafe málið, gefa afs löngutöngina, stjórnina burt  og ráða(tímabundna?) fagstjórn, eða pakka saman og flytja erlendis sem pólutískur flóttamaður.

Á meðan einhverjir sjúklingar eru enn á lífi

Heilbrigðismál eru mér afar hugleikin og þekki betur til þeirra en margur annar.

Fyrir stuttu eyddi ég degi inn á ríkisrússíbananum við Hringbrautina og fékk þá þessa hugmynd að fjáröflunarleið til þess að standa undir kostnaði við rekstur hans (og jafnvel meira til.)

Hugmyndin er einfaldlega sú að selja ferðamönnum ísl. og erlendum og bara öllum áhugasömum inn á þann sirkus sem þar er starfræktur.

Svo mætti líka framleiða sjónvarpsþætti í anda gray´s anatomy handritið myndi skrifa sig sjálft og svo mætti jafnvel selja kvikmyndaréttinn líka.

Þetta gæti verið verðugt verkefni fyrir t.d. atvinnulausa bjartsýnismenn, nema eða óútsprungna kvikmyndagerðamenn,  en fyrir alla muni ekki bíða of lengi því þetta verður að gera á meðan einhverjir sjúklingar eru ennþá á lífi.

 

Rísum upp gegn kúgurum okkar.

Í byrjun sumars var ég byrjuð að safna sögum eða öllu heldur persónulegum frásögnum frá fólki sem fótunum hefur gjörsamlega verið kippt undan, fólk var meira en tilbúið að segja mér sögu sína en aftur á móti vildi fólk ekki gera það opinberlega því fólk rígheldur í það eina sem það á eftir skuldlaust en það er stoltið.

Stjórnmála og aðrir ráðamenn þjóðarinnar virðast ekki vera í neinu samb. við sársauka þessa fólks eða kannski vilja það bara ekki það gæti hugsanlega raskað svefnró þeirra þó ég telji það nú afar ólíklegt.

Segið mér gott fólk finnst ykkur það ekki grátleg staðreynd að fólk standi frammi fyrir því hvort það eigi að leysa út lyfin sín (sem oft á tíðum geta verið eru lífsnauðsynleg) eða kaupa mat handa börnunum sínum, eða jafnvel svelti sjálf svo börnin fái mat.

Finnst ykkur forkastanlegt að starfandi fulltrú hjá féló (hjá einu af bæjarfél. á stór.reykjav.svæðinu)skuli hafa ráðlagt skjólstæðingi sínum atvinnulausum einstæðum föður með 3 ung börn það að heimsækja ættingja og vini á matmálstímum.

Hversu lengi eigum við að umbera gjörðir stjórnanda mér er spurn ??

Segir ekki í reglum mannréttindasáttmála að hver þjóð hafi rétt á að rísa upp gegn kúgurum sínum sem í þessu tilfelli eru stjórnvöld bæði innlend og erlend.

Heyr á eindemi

Á þetta endalausa pukur og undirlægjuháttur íslenskra ráðamanna aldrei að taka enda ?

'Eg er að vísa til þeirrar umræðu sem fram fór í þinginu í dag að skýrsla sem var unnin af breskri lögmannsstofu hafi skilað af sér því áliti að lagalega væri íslenska ríkið ekki ábyrgt fyrir þessum skuldum. 

Hvernig í ósköpunum er það hægt að leyna alþingi já og bara okkur smælingjunum annarri eins skýrslu sem nú er komin í ljós varðandi ábyrgð ríkisins á tíðnefndum icesafe skuldum ??

'Ég myndi gjarnan vilja vita hverjir fengu þessa lögmannsstofu til að vinna þetta mat.

Var það ísl. ríkið eða voru það Bretar. 

Manni er svo ofboðið þvílíkur aftanítossaháttur er við líði í stjórnkerfi okkar og er þá alveg sama úr hvaða fjórflokki viðkomandi eru.

Við verðum að krefjast fagstjórnar til að vinna okkur út úr öllum þeim fjóshaug sem við nú erum sokkin í alveg upp í munn.

Björgúlfar æ ææ

Satt best að segja þá vissi ég ekki alveg hvort ég ætti að gráta, hlægja eða ganga berserksgang þegar ég sá í fjölmiðlum að þessir frægu feðgar hefðu farið fram á að helmingur skulda þeirra við kaupþing banka yrðu felldar niður.

Ég sjálf er í viðskiptum við nefndan banka og hef aldrei fengið fellda niður svo mikið sem 1 ísl. krónu af hvorki okurvöxtum, kostnaði né skuldum mínum.

Ég hef ekki heldur notið neinna forréttinda af neinu tagi þrátt fyrir að ég hafi alltaf staðið í skilum með allt mitt og sé búin að skapa þeim ómældar tekjur um margra árabil ég hef heldur ekki verið starfsmaður í banka og þess vegna getað fengið lán til hlutabréfakaupa sem ég hefði aldrei þurft að borga en samt fengið arð af þeim eða getað haft þau sérréttindi að geta fengið ótakmarkað fjármagn til fjárfestinga hvorki hér heima né út í hinum stóra heimi.

En kannski er það málið ég skulda ekki nógu mikið til að geta notið þvílíkra forréttinga og kannski er ég bara svona treg og gamaldags að vilja halda í gömul gildi eins og það að halda gerða samninga og trú á sanngirni og siðferði.

Þetta svokallaða tilboð þeirra feðga er þvílík lítilsvirðing við aðra viðskiptavini bankans  sem og  annarra banka og raunar allra íslendinga og lýsir þvílíkri siðblindu að manni verður hreinlega ómátt, og ég bara skil ekki að þeir skuli yfirhöfuð þora að láta á sér kræla og láta sjá sig á landinu.

Í mínum huga er enginn vafi á því að þeir skuli borga allt upp í topp með öllum þeim okurvöxtum og kostnaði sem okkur hinum er gert að borga.

 

Meðferðarheimili fyrir peninga og valda fíkla

Það virðist vera að þessi rándýrategund sem kallast homo sapiens eða mannkyn eins og við viljum kalla hana virðist höndla afar illa allt sem kallast getur vald, í hvaða mynd sem það birtist og valda fíkn í stöðugt meiri völd og vera tilbúið að misnota með valdníðslu og leggja æru sína og jafnvel annara að veði og ljúga, svíkja og fórna, jafnvel heilli þjóð ef svo ber undir.

Það sem er að ganga yfir okkar ástkæru þjóð í dag má skrifa á slíka fíkn og aðra fíkn sem er oftar en ekki fylgifiskur valdfíkninnar sem er fíkn peninga og græðgi.

Ég veit því miður ekki hvort einhver meðferðastofnun er til í heiminum sem tekur á þesskonar fíkn en auglýsi hér með eftir vitneskju um eitthvað slíkt.

Það veitti svo sannarlega ekki af slíkri meðferð fyrir t.d. pólitíkusa eins og Steingrím nokkurn Sigfússon sem virðist hafa fallið kylliflatur fyrir slíkri fíkn og er nú fársjúkur og hann virðist einnig hafa fengið sjúkdóm sem er grafalvarlegur og nefnist geðklofi eða á hvaða annan hátt er hægt að útskýra þann gríðarlega umsnúning í ræðu, riti, skoðunum og gerðum hans eftir að hann settist í valdastól.

Kannski væri stofnun slíks meðferðaheimilis góð hugmynd fyrir framtakssama atvinnulausa íslendinga því ljóst er að þörfin er mikil og eflaust væri hægt að auglýsa og markaðssetja slíkt um allan heim og afla þannig gjaldeyris sem okkur bráðvantar svo.

 

 

 

 

 

Eru verslunareigendur að misnota sér bágt efnahagsástand ???

Er ekki grátlegt, að á tímum sem þessum þegar aldrei hefur verið mikilvægara að við öll sem þjóð snúum bökum okkar saman og hjálpumst og styðjum hvort annað,  að ( í það minnsta margar)verslanir misnoti  sér ástandið að hækka vörur langt umfram það sem efni standi til.  Vissulega hefur lágt gengi krónunnar, hækkun flutningskostnaðar og háir vextir bein áhrif verðlag en þær hækkanir sem blasa við okkur nánast daglega eru langt umfram það sem eðlilegt getur talist. Ég sjálf hef verið í heildsölu og verslunarrekstri nánast sleitulaust í rúm 30 ár og tel mig því málinu nokkuð kunnug, hef undanfarið gert mér ferðir í helstu matvöru/lágverslanir og borið saman verð, og verðhækkanir og hefur mér gjörsamlega ofboðið þvílíkar svívirðulegar verðhækkanir sem geta engan veginn staðist. Sem dæmi þá keypti ég pakka af Brownies kökumixi kl 20,30 í fyrrakvöld á    kr 459 og var hillan vel full, daginn eftir kl 14 fór ég í þessa sömu verslun til að kaupa annan pakka af því sama og þá kostaði hann AÐEINS kr.627 það eru svo mikið sem 168 kr yfir nótt ég var furðu lostinn og spurði starfsmann hvort þetta gæti verið rétt og svarið var bara ja ég var nú ekki að vinna í gær en svona er þetta bara það er allt að hækka svo mikið, en mér finnst þetta nú aðeins of mikið. Annað sem ég vil benda fólki á er að þegar verið er að kaupa vörur á tilboði að fylgjast vel með þegar varan er slegin inn í kassa að afslátturinn skili sér því oftar en ekki er það raunin og ég held að oftar en ekki sé þetta gert með fullri vitund verslunarmanna og þeir treysta því við fylgjumst ekki með og ef við síðan förum með vörurnar heim og uppgötvum villuna þar að þá munum við ekki nenna, geta, eða ekki hafa tækifæri til að gera okkur ferð til að leiðrétta mismuninn enda er fullt af fólki sem er uppá ættingja,vini  eða aðra kominn til að komast í verslanir og láta því kyrrt liggja, enda bensínið ekki gefið og svarar því ekki kostnaði að eltast við einhverja hundraðkalla. Ekki er nú betra að ætla sér fara yfir strimilinn við kassann  og þola fýluna hjá starfsmanni svo ég tali nú ekki um augnaráð samborgaranna sem láta óþolinmæðina verulega í ljós svo maður flýtir sér sem mest maður getur til losna  út. Læt þessu nöldri mínu nú lokið í bili og hvet alla til að biðja fyrir okkar fagra landi sjálfstæði okkar og framtíð.. 

i