Speki á sunnudegi og skítlegt eðli ráðamanna.

Jæja þá er ég komin til baka á bloggið eftir rúmlega tveggja sólarhringa tölvuleysi og ég ætla nú bara að byrja á smá Álfa o.e. englaspeki frá henni Sulamith og í dag hljóðar hún svo :       

Fear knocked at the door,  trust opened it, and nobody was there.   ( óttinn barði að dyrum, traustið fór til dyra,og það var enginn. ís.)    

Já svo hljóðaði það nú, mér varð nú hugsað til alls þess hræðslu áróðurs sem stjórnvöld bulla endalaust um. Manni verður bara ómótt af öllu bullinu varðandi AGS og ESB að ef við gerum ekki eins og þeir vilji þá verði okkur útskúfað af öllum þjóðum heims, enginn vilji eiga viðskipti við okkur og bara enginn vilji vera memm.  Er nú ekki kominn tími til að þetta lið hætti að leika þennan sandkassaleik sem er að vísu á mun lægra plani heldur en hjá blessuðum börnunum.

Finnst ykkur ekki skjóta skökku við að umhverfismálaráðherra skuli afneita uppbyggingu atvinnuuppbyggingu erlendra stórfyrirtækja og í sömu andrá ofurselja þjóðina í þrælahald og gefa eftir auðlindir okkar með inngöngu í ESB og glæpasamtaka á borð við AGS ??                             

 

Nú svo að allt öðru, mig langar bara að lýsa yfir virðingu minni fyrir þeirri mætu konu Yogo Ono sem mér finnst hafa vaxið að bæði ytri og innri fegurð með hverju árinu og er óþreytandi að bera út friðar og kærleiks boðskap sem á erindi við alla jarðarbúa og mér finnst það mikill heiður fyrir okkar þjóð að hún skyldi hafa ákveðið að Ísland yrði fyrir valinu við staðsetningu friðarsúlunnar.

Þess vagna finnst mér nú líka mikið áhyggjuefni að ísl. stjórnvöld séu að afhenda bæði öll völd okkar og auðlindir til stríðsrekstrar þjóða á borð við Breta, Þjóðverja,  Hollendinga og USA (AGS)  og skipa okkur þannig á sama bekk og þeir.  Þó að vísu fyrri stjórn hafi nú gerst sek um það líka þegar þeir lýstu yfir stuðningi við innrásina í Írak, sem mér fannst nú þvílík skömm og í algjörri andstöðu við stefnu Íslands alveg frá upphafi.

Þess vegna bið ég stöðugt og vona að allar góðar vætti verndi okkur, bæði land og þjóð frá því að verða ofurseld í ánauð í hvaða mynd sem er. 

Læt þetta duga í bili, en hefði nú ekki verið eðlilegra að Yogo Ono hefði fengið friðarverðlaunin frekar en Obama eða  í það minnsta einhver sem hefur gert eitthvað í þágu friðar.

Óska ykkur öllum friðsældar á þessum fagra degi

Athugasemdir

[Ásdís Sigurðardóttir, 11.10.2009 kl. 15:27]

Hef heyrt þennan með fear og trust áður, magnaður.  Kveðja til þín

[Þórarinn Þ Gíslason (IP-tala skráð) 11.10.2009 kl. 22:38]

Sæl Hulda.

Gerðu það sem að þú óttast.............og ótti þinn mun hverfa !

Kveðja

[Hulda Haraldsdóttir, 12.10.2009 kl. 06:14]

Takk ævinlega Ásdís fyrir innleggið  

[Hulda Haraldsdóttir, 12.10.2009 kl. 06:16]

Þakka innlitið og kveðjuna Þórarinn