Björgúlfar æ ææ

Satt best að segja þá vissi ég ekki alveg hvort ég ætti að gráta, hlægja eða ganga berserksgang þegar ég sá í fjölmiðlum að þessir frægu feðgar hefðu farið fram á að helmingur skulda þeirra við kaupþing banka yrðu felldar niður.

Ég sjálf er í viðskiptum við nefndan banka og hef aldrei fengið fellda niður svo mikið sem 1 ísl. krónu af hvorki okurvöxtum, kostnaði né skuldum mínum.

Ég hef ekki heldur notið neinna forréttinda af neinu tagi þrátt fyrir að ég hafi alltaf staðið í skilum með allt mitt og sé búin að skapa þeim ómældar tekjur um margra árabil ég hef heldur ekki verið starfsmaður í banka og þess vegna getað fengið lán til hlutabréfakaupa sem ég hefði aldrei þurft að borga en samt fengið arð af þeim eða getað haft þau sérréttindi að geta fengið ótakmarkað fjármagn til fjárfestinga hvorki hér heima né út í hinum stóra heimi.

En kannski er það málið ég skulda ekki nógu mikið til að geta notið þvílíkra forréttinga og kannski er ég bara svona treg og gamaldags að vilja halda í gömul gildi eins og það að halda gerða samninga og trú á sanngirni og siðferði.

Þetta svokallaða tilboð þeirra feðga er þvílík lítilsvirðing við aðra viðskiptavini bankans  sem og  annarra banka og raunar allra íslendinga og lýsir þvílíkri siðblindu að manni verður hreinlega ómátt, og ég bara skil ekki að þeir skuli yfirhöfuð þora að láta á sér kræla og láta sjá sig á landinu.

Í mínum huga er enginn vafi á því að þeir skuli borga allt upp í topp með öllum þeim okurvöxtum og kostnaði sem okkur hinum er gert að borga.

 

Athugasemdir

[Jens Sigurjónsson, 9.7.2009 kl. 03:44]

Ef bankinn samþiggir þetta kosta boð frá þessum aumingjum, þá er komið ansi sterkt fordæmi fyrir niður fellingu lána, þannig að við hin hljótum að fá sömu fyrirgreiðslu.

Annars er bankinn kominn með fordæmi fyrir niður fellingu lána. Jú felldi hann ekki niður 50 miljarða hjá stjórnendum bankans ? Og SIÐGÆÐISPOSTULINN og auminginn hún Þorgerður Katrín losnaði þannig við einn miljarð þannig.

[Hulda Haraldsdóttir, 9.7.2009 kl. 16:43]

Já svo sannarlega, ég leyfi mér að fullyrða að við hinir skuldunautar bankanna myndum fagna því að fá niðurfelldan helming skulda okkar, sem n.b. væri nú bara leiðrétting okkar mála vegna gengis krónunnar, verðbólgu og okurvaxtastefnu stjórnvalda.